Әлеуметтік-тәрбие жұмыстар департаментінің ұйымдастыруымен ҚазҰМУ оқытушылары, қызметкерлері мен студенттерінің қатысуымен өтетін «ЕГІЗ-ЛЕБІЗ» вокалдық ән байқауы өткен болатын.

2024 жылдың 21 ақпанында байқаудың 1-кезеңі «Қазақтың ретро әндері» тақырыбында өтіп, Микробиология, вирусология кафедрасының ассистенті Айтимова Дана Нальтаевна мен 3 курс студенті Бейсентаева Дильназ «Мен деп ойла» әнін керемет орындап, қатысушылардың арасында бірыңғай ең жоғарғы 10 балға ие болды.

Ізін суытпай 2024 жылдың 13 наурызында байқаудың 2-кезеңі «Әлем халықтарының ретро және бүгінгі танымал әндері» тақырыбында өтті. Бұл кезеңде кафедраның беткеұстарлары «Sarà perché ti amo» әнін әдемі, таза айтып, әділ қазылардың жоғарғы бағалауы мен көзқарасына ие болды.

2024 жылдың 15 қарашасында «Егіз-Лебіз» ән байқауының 3 кезеңі өткен болатын. Күміс көмей өнерпаздарымыз «Өмір-өзен» әнімен көрерменнің ыстық ықыласына ие болып, «Бас жүлдеге» ие болды.