Қазіргі әлемде негізгі тенденциялардың бірі – өмірдің әртүрлі салаларын, соның ішінде студенттік ортаны белсенді түрде қамтитын көп деңгейлі кіріктірілген үрдістер болып табылады. Бұл үрдістер қоғамның болашақ дамуы үшін стратегиялық маңызы бар білім беру жүйесінде айқын көрінеді. Жоғары білім беруді халықаралық деңгейде жан-жақты ету және оның маңызды құрамдас бөлігі мысалында – студенттердің академиялық ұтқырлығы – елдер, аймақтар мен білім беру қауымдастықтары арасындағы әлеуметтік-мәдени жақындасу мен тиімді өзара қарым-қатынастың көрінісі ретінде қарастырылады.
Осы тұрғыда Ташкент фармацевтикалық Білім және зерттеулер институтының медицина ғылымдарының кандидаты, медициналық биология кафедрасының доценті Гафуров Немат Нозировичтің жетекшілігімен (Ташкент қ., Өзбекстан Республикасы) “Медицина” бағытындағы 2-3 курс студенттері ағымдағы жылдың 15-қыркүйегінде С.Д. Асфендияров атындағы Қазақ ұлттық медицина университетіне академиялық ұтқырлықтан өту үшін келді. Студенттерді қабылдауды ЖММ-1 деканы С.Х. Измайлова, деканның орынбасары Р.Т. Тагирова және химия кафедрасының доценттері Э.К. Карлова және Г.У. Бегимова ұйымдастырды. Және осы сапардың маңыздылығын атап өтіп, білім алушылардың бейімделуіне қолайлы жағдай жасауға ықпал етті.
Академиялық ұтқырлық студенттерге еңбек нарығында бәсекеге қабілеттілігін арттыратын кәсіби білім мен дағдыларды игеріп қана қоймай, мәдениетаралық қарым-қатынас тәжірибесін игеруге, басқа мемлекеттердің өкілдерімен өзара әрекеттесуді үйренуге, жалпыадамзаттық құндылықтарды қалыптастыруға мүмкіндік береді. Шетелдік оқыту процесінде болашақ мамандар ұйымшылдықты, толеранттылықты және диалогқа дайындықты дамытады. Бұл қасиеттер болашақта олардың жеке және кәсіби өсуіне ықпал етеді. Сонымен қатар өз елдерінің дамуына және халықаралық ынтымақтастықты нығайтуға үлес қосуға мүмкіндік береді.
Академиялық ұтқырлық бағдарламасы аясында студенттер қалыпты анатомия, гистология, Жалпы хирургия және топографиялық анатомия кафедраларында, сондай-ақ қалыпты физиология кафедрасында биофизика курсымен білім алып, таныстыру сабақтарынан өтеді, онда олар Қазақстан Республикасының кейбір жетекші профессорларымен және медицина ғалымдарымен кездеседі.
