«МЕДИЦИНА БАРЛЫҚ ӨНЕРДІҢ ІШІНДЕГІ ЕҢ МӘРТЕБЕСІ»
«Биофизика курсымен қалыпты физиология» кафедрасының оқытушылары Алмабаева Н.М., Абдрасилова В.О. және Байдуллаева Г.Е. «Медицина барлық өнердің ішіндегі ең мәртебесі» тақырыбында университетті бітіріп кеткен түлектермен кездесу ұйымдастырды. Кездесуде «Жалпы медицина» және «Педиатрия» мектебінің 1-курс студенттері, «ЖМ-1» мектебінің декан орынбасары Амантаев Қ.Ф. мен біздің университет түлектері қатысты.
- Утекулов Айдос –дәрігер-ортодонт, «Iuvissaligu Kazakhstan» тәуелсіз лектор, «Idclinic_by_ Utekulov» клиникасын басқарады;
- Солтанай Жәнібек – Университеттің Жұқпалы және тропикалық кафедрасының ассистенті, Ректордың Жастар саясаты жөніндегі кеңесшісі;
- Бөріхан Ерболат – дәрігер – стоматолог, медицина ғылымдарының магистрі, өзі ашқан «Apex» орталығында жұмыс істейді және «Apex academy» жобасының негізін қалаушы;
- Ермек Динара – дәрігер – стоматолог, медицина ғылымдарының магистрі, «Apex» орталығының координаторы.
Студенттерге университет түлегі, PhD доктор Кулмаганбетов Мұхиттың видеохабарламасын көрді. Мұхит Гонконгта Көз аурулар емханасында қызмет етеді және Канада университетінде сабақ береді. Түлектер өздерінің студенттік өмірі мен оқу үдерісінде және жұмыс кезіндегі қиыншылықтары, қызықты сәттері, ғылыми жұмыс пен қоғамдық жұмыстың қажеттілігі туралы ойларын ортаға салды. Студенттердің қойған сұрақтарына жауап берді. Сергіту сәтінде тақырып бойынша ребустар мен мақалаларды тапты. Кездесуде студенттер медицина, дәрігерлер туралы өлеңдер оқыды. Студенттер осындай кездесулердің қажеттілігі туралы және алған әсерлерін айтып өтті.
