Кездесу барысында сыбайлас жемқорлық мәселесінің негізгі аспектілері: оның түрлері, экономика мен әлеуметтік салаға әсері және оны болдырмаудың шаралары талқыланып, презентация арқылы түсіндірілді. Бұдан кейін ашық пікірталас өткізіліп, студенттер өмірдің әртүрлі салаларында сыбайлас жемқорлықпен күресудің маңыздылығын өз ойларымен бөлісті. Іс-шараның мақсаты студенттердің сыбайлас жемқорлық мәселесі, оның қоғамға тигізетін зиянды әсерлері және бұл құбылысқа қарсы күресудің маңыздылығы туралы білімін арттыру болды. Мәселені тереңірек түсіну үшін сыбайлас жемқорлықтың қоғамның дамуына және азаматтардың жеке өміріне қалай ықпал ететінін көрсететін бейнеролик көрсетілді. Бейнероликті талқылағаннан кейін студенттер сыбайлас жемқорлыққа қарсы күрес әрқайсымыздан басталуы тиіс деген қорытындыға келді. Олар жастардың, барлық азаматтардың бұл мәселеге белсенді қатысуының маңыздылығын түсінді. Студенттер сыбайлас жемқорлыққа қарсы іс-шараларға белсене қатысуға және тақырыпты терең зерттеуге ниет білдірді.