Биофизика курсымен қалыпты физиология кафедрасының оқытушылары Абдрасилова В.О., Алмабаева Н.М. және Байдуллаева Г.Е. ұйымдастырған дәстүрлі түрде өтетін «Мен өмірді сүйемін» сайысы өз мәресіне жетті. Салауатты  өмір салтын сақтау мақсатында өткізіліп отырған бұл сайысқа 32 жұмыс, Жалпы медицина және Фармацевтикалық өндіріс технологиясы мамандығының 1 курс студенттері қатысты. Студенттердің қолдарынан шыққан туындылар, яғни эссе, өлең жолдары, газет, қолөнер және басқа әділ қазылар алқасының саралауына түсті. Әділ қазылар алқасы жұмыстарды талқылап шешімін шығарғанша арнайы дайындалған викториналық сұрақтар бойынша ойын ойнатылды. Студенттер өмір, денсаулық жайында өлеңдер оқыды.

Сайыстың нәтижесі бойынша:

1. Бас жүлдені өз қолөнер туындысы бойынша Сенбек Ә. (ФӨТ22-045);
2. I орынды қабырға газетін жасаған ЖМ22-027 топ;
3. II орынды өз өлең жолдарымен Мұратбекқызы Ж. (ЖМ22-040);
4. III орынды қабырға газетін жасаған ЖМ22-018 топ;
5. III орынды өз туындысымен ортаға шыққан Худайбергенова Ж. (ЖМ22-034) жеңіп алды. Қатысқан және белсенділік танытқан студенттер Алғыс хатпен марапатталды.