Sorry, this entry is only available in KAZ.
Қазіргі таңда қоршаған ортаны қорғау – адамзат алдындағы маңызды міндеттердің бірі. Табиғаттың ластануы, пластик қалдықтарының көбеюі экологиялық мәселелердің күрделенуіне әкелуде. Осыған байланысты жастар арасында экологиялық мәдениетті қалыптастыру, табиғатты аялауға тәрбиелеу мақсатында «Бір реттік бөтелкелерді жинау – таза болашаққа қадам» атты экологиялық іс-шара ұйымдастырылды. Іс-шара Біріккен Ұлттар Ұйымының Тұрақты даму мақсаттарының ішінде «Жауапты тұтыну және өндіріс», бағытын насихаттауға арналды.
Іс-шара барысында С.Ж. Асфендияров атындағы ҚазҰМУ-дың Қоғамдық денсаулық, жалпы медицина мамандығында оқитын студенттермен бірге молекулалық биология және медициналық генетика кафедрасының оқытушылары мен еріктілер оқу орны аумағында және қоғамдық орындарда жиналған пластикалық бөтелкелерді сұрыптап, арнайы қабылдау орындарына өткізді. Сонымен қатар қатысушыларға пластик қалдықтарының табиғатқа тигізетін зияны туралы ақпараттық түсіндіру жұмыстары жүргізілді. Экологиялық мәдениетті арттыру мақсатында танымдық дәрістер, пікірталастар және тазалық акциялары ұйымдастырылды.
Шараның басты мақсаты – жастардың қоршаған ортаға деген жауапкершілігін арттыру, қалдықтарды қайта өңдеудің маңызын түсіндіру және экологиялық сауаттылықты дамыту болды. Қатысушылар бір реттік пластик бұйымдарды аз қолданудың және қалдықтарды сұрыптаудың табиғатты қорғаудағы маңызын түсінді.
Іс-шара соңында белсенді қатысушыларға алғыс хаттар табысталып, экологияны қорғау әр адамның азаматтық борышы екені айтылды. Осындай экологиялық бағыттағы шаралар жастардың табиғатқа жанашырлық көзқарасын қалыптастырып, қоғамда экологиялық мәдениеттің дамуына оң әсерін тигізеді.
Табиғатты қорғау – болашақ ұрпақ алдындағы жауапкершілік. Сондықтан қоршаған ортаны таза сақтау, пластик қалдықтарын азайту және экологиялық мәдениетті дамыту – баршамыздың ортақ міндетіміз.
Қорытындылай келе, бір реттік бөтелкелерді жинауға бағытталған экологиялық іс-шара жастардың табиғатқа деген жауапкершілігін арттыруға және экологиялық мәдениетін қалыптастыруға үлкен ықпал етті. Іс-шара барысында қатысушылар қоршаған ортаны қорғаудың маңызын түсініп, пластик қалдықтарын сұрыптау мен қайта өңдеудің тиімді жолдарымен танысты. Мұндай шаралар Тұрақты даму мақсаттарын жүзеге асыруға үлес қосып қана қоймай, қоғамда тазалық пен табиғатты аялау құндылықтарын насихаттайды. Экологиялық мәдениеті жоғары ұрпақ – елдің жарқын болашағының кепілі. Сондықтан табиғатты қорғауға бағытталған жұмыстарды тұрақты түрде ұйымдастыру әрбір азаматтың ортақ міндеті болып табылады.
С.Ж. Асфендияров атындағы Қазақ Ұлттық Медициналық Университетінің
Студенттері мен
кураторлар Р.М.Шайхымбекова, Қ.С. Нұржанова, Г.Т.Танеева
