Жамбыл Жабайұлы 1846 жылы 28 ақпан күні дүниеге келген екен, соған орай 2022 жылғы 27 ақпан күні С.Ж.Асфендияров атындағы ҚазҰМУ анатомия кафедрасының кураторлары лектор Абилова Алтын Асқарқызы, доцент Искиндирова Айман Мансұрқызы және лектор Искакова Лунара Әлібекқызы Жалпы медицина факультетінің 2 курсында оқитын кураторлық топтарымен Жамбыл ауылындағы мұражайына барып келді. Мұражай болып тұрған үйде Жамбыл Жабайұлы өмірінің соңғы жеті жылында, яғни 1938-1945 жылдары тұрған екен, осы 12 бөлмелі үйді үкімет сыйға тартыпты. Мұражай іші өте әдемі, жарық, кең, Жамбыл атамыздың сөздеріне жазылған әндерді компъютерге жазып қойған, студенттер құлаққаппен тыңдап, риза болды. Экскурсовод барлық бөлмелердегі мұрағаттармен толық таныстырып, Жамбыл атамыздың өмірбаянын айтып берді. Студенттер жақсы демалып, бұрын білмеген ақпараттарға қанып, бір серпіліп қайтты.