Микробиология, вирусология кафедрасы 1932 жылы Қазақ Микробиология және эпидемиология институтының базасында құрылды. Негізін қалаушы және бірінші меңгерушісі профессор П.Ф. Беликов болды.
Кейінгі жылдары төмендегі тұлғалар кафедра меңгерушісі қызметін атқарды:
- 1933-1937 жж м.ғ.д., профессор-А.И.Сутин
- 1939-1947 жж м.ғ.д., профессор-Е.И.Демиховский
- 1948-1953 жж м.ғ.д., профессор-Д.Ф.Цимбалист
- 1953-1957 жж м.ғ.д. доцент-Ю.С.Линецкая
- 1957-1963 жж м.ғ.д., профессор-Э.И.Штиккель
- 1963-1986 жж профессор-К.А.Макиров
- 1986-2001 жж профессор, «Ғылым мен техниканы дамытуға қосқан зор үлесі үшін» мемлекеттік стипендиясының лауреаты, Қазақстандық микробиологтар мектебін ұйымдастырғаны үшін «Іс-қимыл тұлғасы» сыйлығының иегері, С. Д. Асфендияров атындағы «ҚазҰМУ алтын қорының» сыйлы мүшесі – А.Л.Котова
- 1970-2016 жж м.ғ.д., профессор-Л.И.Фохридина
- 2001-2002 жж м.ғ.к., доцент-Қ.Құдайбергенұлы
- 2002 жылдан қазіргі уақытта м.ғ.д., профессор, «Гиппократ» медалі-2009, ҚР БҒМ «2012 жылғы ЖОО үздік оқытушысы», «ҚР Денсаулық сақтау ісінің үздігі-2014» медалі, «Ахмет Байтұрсынов атындағы алтын медаль» иегері-2015, «Құрмет» орденінің иегері-2016 – Б.А.Рамазанова
Микробиология, вирусология кафедрасы білім беруде білікті, сауатты және бәсекеге қабілетті мамандарды даярлау бағытын ұстанатын жоғарғы дәрежелі мамандар буыны еңбек етіп жатқан ҚазҰМУ-нің құрылым бөлігі болып саналады. Қазіргі уақытта кафедрада 20 оқытушы: оның ішінде 2 профессор, ғылыми атағы бар және ғылыми атағы жоқ 8 қауымдастырылған профессор, 6 профессор ассистентінің м.а., 4 оқытушы жұмыс істейді.
Өткен жылдары кафедрада 80 диссертация қорғалды, 9-дан астам монография, 5 оқулық, қазақ және орыс тілдерінде 50-ден астам оқу-әдістемелік құрал, 8 тест тапсырмалар жинағы жарияланды, өнертабыстарға 30-дан астам авторлық куәлік, рационализаторлық ұсыныстарға 20 куәлік алынды. Сонымен қатар, соңғы жылдары кафедраның профессорлық-оқытушылық құрамы 150-ден астам ғылыми мақалалары басылып шықты. Б.А.Рамазанованың жетекшілігімен 2 докторлық, 3 кандидаттық, 2 магистрлік диссертация қорғалды. 140-тан астам жұмыс, 2 монография, 12 инновациялық патент жарияланды.
Б.А.Рамазанованың редакциясымен ҚР БҒМ-де медициналық жоғары оқу орындарының студенттеріне арналған қазақ тіліндегі алғашқы «Медициналық микробиология» оқулығы бекітілді және жарық көрді. Оның электронды нұсқасы шығарылды. Қазіргі уақытта «Медициналық паразитология негіздері» (алғаш болып медициналық жоғары оқу орындары үшін), «Жалпы медициналық микробиология негіздері», «Ауыз қуысының микробиологиясы» оқулықтары; «Микробиология негіздері. Фармацевтикалық өндірістің микробиологиялық аспектілері» және «Санитарлық микробиология негіздері» атты әдістемелік ұсыныстары басылымға дайындалып жатыр. Кафедра қызметкерлері ҚР ДСМ «Ұлттық Қоғамдық денсаулық сақтау орталығы» ШЖҚ РМК «Санитариялық-эпидемиологиялық сараптама және мониторинг ғылыми-практикалық орталығы» филиалымен бірлесе отырып республикалық деңгейдегі «Менингококк инфекциясы мен іріңді бактериялық менингиттердің зертханалық диагностикасы» және «Іш сүзегі, паратиф және басқа сальмонеллез қоздырғыштарын бактериологиялық зерттеу әдістемесі» атты әдістемелік ұсынымдар шығарды. Кафедраның негізгі ғылыми бағыттары адам ағзасының қалыпты микробиотасы және дисбактериоздар, ішек инфекциялары, ауруханаішілік инфекциялар, клиникалық микробиология мәселелері болып табылады.
Қазіргі уақытта Халықаралық ғылыми жобаларды және көп орталықты ғылыми зерттеулерді, сондай-ақ ҚР БҒМ, ҚР ДСМ, ҚазҰМУ ғылыми жобаларын орындау шеңберінде кафедраның ғылыми жұмыстары вакцинация, паразитология, микорганизмдердің антибиотикке төзімділігі, кандидоздар және ауру қоздырғыштары гендерінің полиморфизмін зерттеу мәселелерін қарастырады. Оқытудың барлық кезеңдерінде кафедра ішілік «Микроәлем» атты ғылыми студенттік үйірмесі жұмыс істейді. Кафедра ҰҒК мүшелері университеттік, республикалық және халықаралық деңгейдегі конференцияларда жүлделі орындардың иегерлері. Тек соңғы жылдары 17 студент жүлделі орындарға ие болды және СҒЗЖ нәтижелері бойынша 62 мақала басылып шығарылды.
93 жыл бойы жұмыс істеп келе жатқан кафедра медицина-педагогикалық қызметінің мәнін жандандырып қана қоймай, үлкен жеке және кәсіби әлеуетке ие барлық салалар үшін жоғары білікті және бәсекеге қабілетті мамандар дайындайды, білім алушылардың жаңа да жас ұрпағын қалыптастыру жолында аянбай еңбек етіп, мемлекетте, қоғамда, университетте орын алып жатқан түрлі үрдістерге белсенді жауап береді.